andainas do edl

Andaina á Cidade da Cultura – Compostela

edleoiferrol — Thu, 19 Jan 2012 09:56:33 +0000

Amplíase o prazo de inscrición ata o xoves 26 ata completar o Autobus de 55 prazas, quedan 11 prazas.

SAÍDA: en autobus a Santiago ás 09:30 HORAS DÍA 28 DE XANEIRO (SÁBADO)

LUGAR: diante do edificio de correos, enfrente ao teatro Jofre

CHEGADA a Ferrol ás 19:30 HORAS (NO MESMO LUGAR QUE A SAÍDA)
PREZO: aprox. 7 euros, depende de número de inscritos,
no correo de confirmación que reciben os participantes constará o importe exacto, lugar e día de abono do billete do autobus.
DIFICULTADE: FÁCIL – será unha andaina duns 8 km ida e volta dende a zona vella de Santiago ata a cidade da cultura e viceversa.
PROGRAMA: andaina dende a zona vella de Santiago ata a cidade da cultura. Visita guiada ás 12.00. Comida polo exterior da cidade da cultura. Andaina de volta a zona vella de Santiago. Tempo libre para visitar a zona vella, tomar un café …… Saída do autobús ás 18.30

IMPRESCINDIBLE: Cada participante levará a súa comida e bebida nunha mochila e levará calzado cómodo e roupa axeitada a climatoloxía do día.

Quen pode participar? Toda a comunidade educativa da eoi de Ferrol: alumnado, profesorado e persoal non docente e as súas familias.

Para participar na andaina:
Participar nesta actividade organizada polo equipo de dinamización lingüística da lingua galega supón por parte dos participantes o compromiso a unha inmersión lingüística na lingua galega durante a andaina.
Falar galego durante a andaina ou aprendelo, gozar da nosa paisaxe respectando o medio ambiente e participar nas entrevistas a realizar por alumnado da eoi son as bases das andainas. Os participantes terán en conta que as fotografías ou vídeos que se farán durante a andaina terán un carácter didáctico ou recordatorio que se publicarán en taboleiros da eoi, na revista do centro, no blog das andainas, en medios de comunicación, na eoiTV, na páxina web da eoi, etc. Todo participante levará unha pegatina representativa da andaina.

Os participantes aceptan estas bases ao inscribirse na andaina.

INSCRICIÓN: completar o formulario de inscrición no blog das andainas. Datas de inscrición dende o xoves 19 de xaneiro ata o luns día 23 de xaneiro.

[contact-form]

Concurso de logos!

edleoiferrol — Thu, 15 Dec 2011 22:59:33 +0000

Tivemos 12 candidatos ó premio do concurso de logo do EDL.

O traballo gañador foi o presentado por Montserrat Martín Sequeiro, alumna de Básico 1 intensivo de alemán, baixo o pseudónimo Pirulo:

Aquí podedes ver os traballos achegados, se queres velos nun tamaño maior pica sobra a imaxe e entrarás no modo galería:

EOI-TV 3

edleoiferrol — Sat, 03 Dec 2011 00:58:19 +0000

Xa podemos ver a terceira emisión de EOI-Tv en rede!

EOI-Documental

edleoiferrol — Sat, 03 Dec 2011 00:48:15 +0000

Xa podemos ver o primeiro documental da EOI-Tv en rede!

Deseña o logo do equipo de dinamización lingüística da EOI de Ferrol

edleoiferrol — Mon, 28 Nov 2011 11:12:10 +0000

BASES DO CONCURSO:

O EDL convoca o concurso “DESEÑA O LOGO DO EQUIPO DE DINAMIZACIÓN LINGÜÍSTICA DA LINGUA GALEGA DA EOI DE FERROL”.
Poderá participar todo o alumnado da EOI de Ferrol.
O tema de traballo para o logo é un símbolo/imaxe ou unha ilustración coas letras: edl-eoi Ferrol, que a xuizo do autor sirvan de imaxen ao edl da EOI de Ferrol.
As obras presentadas deberán ser orixinais e inéditas, calquera contido empregado para o deseño do logo, así como calquera reclamación en relación cos mesmos, son responsabilidade exclusiva dos autores.
O logo gañador será utilizado como imaxen institucional e representativa do edl da eoi de Ferrol e poderá utilizarse en todo os documentos oficiais ou membretes do centro.
O logo gañador quedará en propiedade do centro, adquirindo éste os dereitos de imaxen, adaptación y reproducción sobre o mesmo.
O prazo de presentación comeza o 28 de novembro e remata o 15 de decembro de 2011.
Finalizado o prazo de presentación, os deseños exporanse na cafetería da eoi, e no blog andainasdoedl, estarán identificados cun número.
Haberá un xurado popular a través do blog e un xurado presencial na eoi composto por profesorado, alumnado e persoal non docente.
No blog haberá unha enquisa na que se poderá votar polo deseño que máis guste , dende o 16 ata o 20 de decembro.
O/A gañador/a recibirá un premio de 60 €.
O concurso poderá declararse deserto, se así o estima conveniente o xurado presencial. A decisión do xurado presencial será inapelable.
A participación no concurso implica a aceptación das bases.
O xurado dará a coñecer a súa decisión o 21 de decembro.
A participación neste concurso supón a aceptación destas bases e o ditame do xurado.
Presentación dos traballos:

- Na conserxería da EOI entregarase un sobre pechado cun seudónimo no exterior e no interior terá a seguinte documentación:

a) O logo presentado a concurso en formato dixital.
b) Dentro dun sobre pechado o nome e os apelidos do autor/a, o seu seudónimo, a lingua e o curso no que está matriculado/a, o enderezo electrónico e un teléfono de contacto.
c) A data límite de entrega dos traballos será 15 de decembro de 2011.

O EQUIPO DE DINAMIZACIÓN LINGÜÍSTICA DA EOI DE FERROL

Tamén podes baixar as bases en formato pdf aquí: CONCURSOLOGOEDL.

Segunda andaina – pisa da castaña O Courel

edleoiferrol — Mon, 21 Nov 2011 22:41:41 +0000

2ª ANDAINA : A FROXAN (O COUREL) A FESTA DA PISA DA CASTAÑA

ATENCIÓN: Dado o interese que despertou na eoi esta andaina ao Courel imos realizar unha preinscrición dende martes día 22 ata o sábado 26 de novembro. Esto é un preprograma, é decir, pode haber algunha pequena variación (no horario de saída/chegada, a cantidade a aboar.)

SAÍDA: 08:00 HORAS DÍA 10 DE DECEMBRO (SÁBADO)

LUGAR: PRAZA DE ESPAÑA

PREZO: cada participante aboará anticipadamente 14 euros aproximadamente para o autobus (ida e volta) e o xantar. Na inscrición definitiva informarase onde e cando.

REGRESO: SAÍDA DE FROXAN APROXIMADAMENTE AS 18.00 E CON CHEGADA A FERROL APROX. ENTRE ÁS 20.00/20: 30 HORAS (NO MESMO LUGAR QUE A SAÍDA)

DIFICULTADE: FÁCIL – será unha andaina por Froxan. Calculamos chegar a Froxan entre ás 10.00/10.30 e faremos durante 1h/1h15min a andaina de radar, ruta sinalizada pola asociación Fonte do Milagro. Logo participaremos na Festa da Pisa da Castaña co seguinte programa:
Ás 12:00 h. Posta en funcionamneto do sequeiro e explicación do seu funcionamento
Ás 13:00 h. Demostración do pisado e abandoxado
Ás 14:00 h. Pregón a cargo de Quico Cadaval
Ás 14:30 h. Xantar a base de Castaña Seca e productos do porco
Logo do xantar haberá música e continuará a demostración da pisa e abandoxado.

IMPRESCINDIBLE: levar calzado cómodo e roupa axeitada a climatoloxía do día.

Quen pode participar? Toda a comunidade educativa da eoi de Ferrol (alumnado, profesorado e persoal non docente) e as súas familias.

Para participar na andaina:
Participar nesta actividade organizada polo equipo de dinamización lingüística da lingua galega supón por parte dos/das participantes o compromiso a unha inmersión lingüística na lingua galega durante a andaina.
Falar galego durante a andaina ou aprendelo, gozar da nosa natureza, da nosa paisaxe respectando o medio ambiente e participar nas entrevistas a realizar por alumnado da eoi son as bases das andainas. Os/as participantes terán en conta que as fotografías ou vídeos que se farán durante a andaina terán un carácter didáctico ou recordatorio que se publicarán en taboleiros da eoi, na revista do centro, no blog das andainas, en medios de comunicación, na eoiTV, na páxina web da eoi, etc.
Os/as participantes aceptan estas bases ao inscribirse na andaina.
Recibirarse o domingo 27 correos de información sobre a inscrición final.

A preinscrición rematou o sábado 26, ás 00.00h.

EOI-TV 2

edleoiferrol — Wed, 16 Nov 2011 16:54:17 +0000

Xa podemos ver a segunda emisión de EOI-Tv en rede!

primeiro programa de EOI-TV

edleoiferrol — Thu, 10 Nov 2011 00:51:00 +0000

Programa nr. 1 EOI-TV

Xa podedes ver aquí a primeira emisión en rede do primeiro capítulo de EOI-TV!

1ª Andaina: a ruta dos muiños do Belelle

edleoiferrol — Sun, 30 Oct 2011 10:09:18 +0000

1ª Andaina en novembro: a ruta dos muiños do Belelle

Fervenza do Belelle

SAÍDA: 11:30 HORAS DÍA 13 DE NOVEMBRO (DOMINGO)

LUGAR: NEDA- DIANTE DA IGREXA DE SAN NICOLÁS

REGRESO A NEDA APROX. 16: 30 HORAS (NO MESMO LUGAR QUE A SAÍDA)

DIFICULTADE: FÁCIL – será unha andaina duns 8/9 km ida e volta ao longo do río Belelle. Calculamos chegar a fervenza do Belelle sobre as 13.30 onde faremos un descanso de uns 70/90 minutos para comer. Logo emprenderase a volta para chegar a Neda sobre ás 16.30.

IMPRESCINDIBLE: Cada participante levará a súa comida e bebida nunha mochila (non pasarse co peso!) e levará calzado cómodo e roupa axeitada a climatoloxía do día.

Quen pode participar? Toda a comunidade educativa da eoi de Ferrol (alumnado, profesorado e persoal non docente) e as súas familia

Para participar na andaina:
Participar nesta actividade organizada polo equipo de dinamización lingüística da lingua galega supón por parte dos/das participantes o compromiso a unha inmersión lingüística na lingua galega durante a andaina.

Falar galego durante a andaina ou aprendelo, gozar da nosa natureza, da nosa paisaxe respectando o medio ambiente e participar nas entrevistas a realizar por alumnado da eoi son as bases das andainas. Os/as participantes terán en conta que as fotografías ou vídeos que se farán durante a andaina terán un carácter didáctico ou recordatorio que se publicarán en taboleiros da eoi, na revista do centro, no blog das andainas, en medios de comunicación, na eoiTV, na páxina web da eoi, etc.
Os/as participantes aceptan estas bases ao inscribirse na andaina.

INSCRICIÓN: o prazo de inscrición pechou hoxe 10.11.2011 ás 00:00

Agradecemos a colaboración do Club de Montaña de Ferrol para establecer a ruta e grazas a sinalización feita por este club ao longo da andaina non nos perderemos (dúas raíñas branca e azul). Tamén podes descargar toda a información da andaina ao Belelle, preme aquí: 1ªAndaina

Inicio

edleoiferrol — Sun, 23 Oct 2011 17:28:24 +0000

Benvid@s ao espazo virtual do EDLG (Equipo de dinamización lingüística da lingua galega) da EOI de Ferrol. Neste blogue iremos informando ao longo deste curso 2011-1012 de todas as actividades do proxecto lingüístico de centro: As andainas da eoi de Ferrol .

Equipo de Dinamizacion Lingüística da EOI de Ferrol

PROFESORADO

Cani Oubiña, coordinadora e profesora do dpto de alemán

Victoria Penide, profesora do dpto de alemán

Charo Hermo, profesora do dpto de inglés

ALUMNADO

Xoán Lorenzo, alumno de portugués

Carolina Vidal, alumna de inglés

PERSOAL NON DOCENTE

Samuel Varela

Contacto:

Correo electrónico: normalización@eoiferrol.org

Na eoi: venres de 09.00-10.30 no departamento de alemán

luns e mércores tamén no departamento de 17.30-18.30.